خلونا نكمل وصفنا الجميل للنية؛ وين تكون، ومكان جذبها، وبعض المعلومات المهمة عنها حتى نفهم عالم النوايا بشكل أفضل.
تنبيهات ومحاذير في محراب القلب
خلوني أشرح بعض التنبيهات المهمة:
- عواقب إطلاق النوايا بدون وعي: إطلاق النوايا بدون وعي لتبعاتها راح يترتب عليه عواقب مو جيدة ولا طيبة.
- محرابك المقدس: القلب مساحة خاصة جداً، محرابك المقدس ومسجد لروحك، لازم يطلق منه فقط النوايا الحقيقية المرتبطة عاطفياً فيك، مو نوايا الآخرين أو الرغبات العابرة.
- ازدحام الطاقة ونزيف الشغف : إذا ما طهرت قلبك فقط للنوايا الحقيقية، راح تزدحم طاقتك بالنوايا غير المجدية اللي تمتص طاقتك، وراح تفشل فيها أكيد لأنها مو لك. وهذا راح يعزز شعور الفشل الداخلي ويؤلم القلب كثير، وما راح يكون قادر على الاستمرارية والشغف.
خلك منتبه، واختار نواياك بعناية، وارمي النوايا غير المجدية حتى يتعافى قلبك من الألم والفشل.
تحمل المسؤولية وتحريك المياه الراكدة
لما تنوي الحصول على أي نية، لازم تكون مسؤول عن أي كركبة وبرمجيات إنت تحملها عن النية. تحمل مسؤولية كاملة عن نواياك!
كل دعاء مستجاب وكل نية مستجابة لما تكون إنت على طاقتها وعلى ذبذباتها، قلتها يمكن مليون مرة وراح أضل أقولها.
الحالات الثلاث للنية
هناك ثلاث حالات وعمليات أساسية للنية:
- إطلاق النوايا
- استحضار النوايا
- تنظيف النوايا
وراح أشرح كل عملية بالتفصيل حتى تعرفون معناها وتستخدمونها بالطريقة الصحيحة؛ لأن الأغلب يمارسون هذه العمليات المهمة جداً وما يعرفون الطريقة الأفضل لعملها، ويشاركون كل من هب ودب هذه العمليات الذهنية والشعورية اللي فيها تبادل طاقي كبير جداً...
وللحديث بقية!
