نكمل حديثنا عن الحبال الأثيرية، واليوم راح أشرح مفهوم أعمق وأخطر بكثير، لأنه يصير قدام عيوننا كل يوم وما ننتبه له: القفل الطاقي.
تقدر تميّزه من الشعور اللي يوصلك كل مرة. خلوني أعطيكم مثال واقعي:
شخص يكرر عليك كل ما تشوفه: "شفيك وجهك شاحب؟"، "شفيك تعبان؟"، أو حتى "هالاتك واصلة ركبك"… يمزح، بس بطريقة مؤذية ويبرمج عقلك على السلبية . والنتيجة؟ وجهك يتأثر فعلاً، ومهما اجتهدت فيه ما يتغير… إذا ما تكون منتبه ومحصّن لكل البرمجات الي يحاولون يزرعونها بعقلك . لأن الكلمة صارت صورة، والصورة صارت واقع.
ونفس القانون بالعلاقات، وهنا الموضوع أعمق . جملة مثل "بدوني إنت ضعيف" تتكرر عليك كثير لين تقفلك طاقياً وتتجلى بعالمك . ومهما يأذيك هذا الشخص، ما تقدر تغادر أو تغير واقعك من دونه . مو لأنك ضعيف فعلاً، لكن لأن فكرته وبرمجته شبّعت طاقتك، وصرت تشوف نفسك بعيونه هو مو بعيونك. والأكيد إنه الأهل هم أكثر ناس برمجونا فكريا وشعوريا على طاقتهم لذلك نحتاج سنوات من العمل الواعي حتى نفك هذه الأقفال الطاقية
طيب شلون نفتح هذه الأقفال؟
الحل هو الإلغاء الطاقي. والإلغاء دايماً يبدأ بالوعي بالكلمات اللي فعلاً مؤذية أو البرمجيات الي تعودت عليها وصارت جزء من شخصيتك ، بدون ما تبرر وجودها بـ"هو ما يقصد" أو "هذا مزح". النية مو مقياس هنا، المقياس هو الأثر اللي يوصلك ويوصل طاقتك ويتعدى عليها . كل كلام يؤذيك لازم تعيد برمجته وما تسمح إنه ينقال قدامك
هذه الأقفال لها سلطة على طاقتك لما تنزعج منها بس لما تسحب تفكيرك منها وتوجهه لنفسك بالكامل.راح تهز قوة هذه الأقفال وتشيلها وتكون إنت مصدر برمجتك الأساسي مو كلمات الآخرين أو حبالهم الأثيرية الملتوية الي يستخدمونها بشكل إيجابي وسلبي حتى يستغلونك .
وراح أعطيكم تمرين بسيط: اكتب الجملة اللي تتكرر عليك بورقة، واسأل نفسك بصدق شنو الشعور اللي تتركه فيك. وبعدها قول من قلبك:
أنا أرفض هذه الكلمة أنا ألغي أثرها من طاقتي هذه فكرتك عني… مو حقيقتي
ومزق الورقة وريّح نفسك من ثقلها.
أما الاستغناء الحقيقي فهو مو برود ولا عقاب. هو إنك تعيش يومك وفقا لبرمجة الوعي والإختيار ، ساعتها كل الحبال الأثيرية والأقفال الطاقية تضعف قوتها .
الزبدة: الكلمة اللي تتكرر تبني قفل وتعطيل وإستنزاف ، والوعي هو المفتاح الي يفتح كل الأقفال اللي معطلة طاقاتك.
للحديث بقية
